07.10.2026 | 23:48
Արթուր Դանիելյանը կալանավորվեց
Լիտվայի նախագահն Ալիևին կոչ է արել համագործակցել՝ ՌԴ-ին թույլ չտալու շրջանցել միջազգային պատժամիջոցները
Քաղաքականություն
22.05.2023 | 16:25
Լիտվայի նախագահ Գիտանաս Նաուսեդան Վիլնյուսում Ադրբեջանի նախագահ Իլհամ Ալիևի հետ հանդիպումից հետո հայտարարել է Եվրոպայի և Ադրբեջանի միջև հարաբերությունների դրական դինամիկայի մասին։ Նա նշել է, որ անցյալ տարի ԵՄ-ի և Բաքվի միջև ստորագրված էներգետիկ ոլորտում համագործակցության մասին համաձայնագիրն «օգնել է ԵՄ-ին ձմռանը էներգետիկ ռեսուրսներով ապահովել»։
«Մենք պետք է օգտագործենք Արևելյան գործընկերության քաղաքականության ընձեռած հնարավորությունները՝ համագործակցելու և գտնելու ռազմավարական գործընկերությունը խորացնելու ուղիներ»,- ասել է Լիտվայի նախագահը։
Նա նշել է, որ Ալիևի այցի ընթացքում երկկողմ համաձայնագրեր են ստորագրվել շրջակա միջավայրի, երիտասարդության հարցերի և իրավապահ ոլորտում համագործակցության սերտացման վերաբերյալ։
Բացի այդ, Նաուսեդան կոչ է արել Ադրբեջանին համատեղ աշխատել՝ կանխելու Ռուսաստանի կողմից միջազգային պատժամիջոցների շրջանցման հնարավորությունը։
Էմմա Չոբանյան
