07.10.2026 | 23:48
Արթուր Դանիելյանը կալանավորվեց
Ուկրաինացիներն արդեն մարզվում են F-16-երի վրա․ Բորել
Քաղաքականություն
22.05.2023 | 13:48
Եվրամիությունը ողջունում է Ուկրաինային F-16 կործանիչներ ուղարկելուն նախապատրաստվելու՝ G7-ի երկրների որոշումը և ակնկալում, որ «շուտով կկարողանա դրանք մատակարարել»։ Ուկրաինացի օդաչուներն արդեն սկսել են այդ ինքնաթիռների վրա վերապատրաստումը։ Այս մասին հայտարարել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը Բրյուսելում՝ ԵՄ արտաքին գործերի նախարարների խորհրդի մեկնարկից առաջ, փոխանցում է Korrespondent-ը։
«Սա շատ լավ գաղափար է, սա հիանալի քայլ է G7-ի կողմից, որպեսզի վերջապես սկսեն պայմաններ նախապատրաստել կործանիչների մատակարարման համար: Օդաչուների վերապատրաստումն արդեն սկսվել է. սա առաջին բանն է, որ պետք է արվի, և ես իսկապես հուսով եմ, որ մենք շուտով կկարողանանք այդ տեսակի զենք մատակարարել Ուկրաինային»,- ասել է նա։
Բորելը հավելել է, որ արտաքին քաղաքական գերատեսչությունների ղեկավարներն այսօր կքննարկեն Կիևի համար Խաղաղության եվրոպական հիմնադրամից զենքի նոր տրանշի հատկացումը։
Տաթև Ֆռանգյան
