13.01.2025 | 23:21
Հասմիկ Տոլմաջյանը նշանակվել է Շվեյցարիայում ՀՀ դեսպան
Կոնստանտին Զատուլինին արգելել են մուտք գործել Ղազախստան
Քաղաքականություն
22.05.2023 | 13:09
Պետդումայի պատգամավոր, ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինին թույլ չեն տվել մուտք գործել Ղազախստան՝ այցի անցանկալի լինելու պատճառով։ Այս մասին հայտնում է Sputnik-ը՝ հղում անելով նրա մամուլի ծառայությանը։
Զատուլինին թույլ չեն տվել անցնել անձնագրային հսկողության գոտիով։ Թե ինչ նպատակով է պատգամավորը մեկնել Ղազախստան, հայտնի չէ։
«Որոշ դժվարություններից և իրավիճակին ՌԴ ԱԳՆ միջամտությունից հետո խնդիրը լուծվեց»,- RBC-ին ասել են Զատուլինի մամուլի ծառայությունից՝ չհստակեցնելով, թե ինչ է դա նշանակում։
Forbes-ի ղազախական ծառայությունը հայտնում է, որ Սանկտ Պետերբուրգի միջազգային տնտեսական ֆորումի (SPIEF) ժամանակ Ղազախստանի նախագահ Կասիմ-Ժոմարտ Տոկաևը հայտարարել էր, այսպես կոչված, Լուգանսկի և Դոնեցկի հանրապետությունները չճանաչելու մասին, ինչի հետ կապված անցյալ տարվա հունիսին Զատուլինը դիտողություն էր արել։
2022 թվականի սեպտեմբերին Ղազախստանի բանկերի կողմից «Միր» քարտերի դադարեցման հետ կապված հարցին ի պատասխան՝ Զատուլինն ասել է. «Երկիրը, որն աշխարհում ամենաերկար ցամաքային սահմանն ունի Ռուսաստանի Դաշնության հետ, իմ կարծիքով, շատ մեծ ռիսկի է դիմում, երբ փորձում է, չնայած մեր պատմական և աշխարհագրական մոտիկությանը, ներկա իրավիճակում կենտրոնանալ արևմտյան պատժամիջոցների վրա»։
Այն ժամանակ Ղազախստանի խորհրդարանը ռուս պատգամավորի հայտարաություններն անվանեց ոչ բարեկամական և սադրիչ։
Նշենք, որ անցյալ տարվա հոկտեմբերին Հայաստանը ևս Զատուլինի այցն անցանկալի էր անվանել նրա հայտարարությունների պատճառով։
Տաթև Ֆռանգյան
