04.11.2024 | 22:14
Ադրբեջանը 4,7 մլն դոլար է վճարել լոբբիստներին՝ COP29-ից առաջ իր «ավտորիտար իմիջը մաքրելու» համար․ Democracy for Sale
ՌԴ-ն նոր ավիացիոն խումբ է ստեղծում՝ Ուկրաինայի վրա հարձակվելու համար․ բրիտանական հետախուզություն
Քաղաքականություն
22.05.2023 | 14:12
Բրիտանական հետախուզության հերթական զեկույցում ասվում է, որ Ռուսաստանը մեծ հավանականությամբ այժմ զբաղված «Փոթորիկ» մականվամբ նոր հարվածային էլիտար ավիացիոն խմբի ստեղծման աշխատանքով՝ Ուկրաինայի տարածքում գործողությունների համար, գրում է BBC-ի ռուսական ծառայությունը։
Ըստ հետախուզության՝ այն, հավանաբար, ներառելու է Սու-24 և Սու-34 կործանիչ-ռմբակոծիչների առնվազն մեկ էսկադրիլիա, ինչպես նաև հարվածային ուղղաթիռների էսկադրիլիա:
«Նման տիպի ինքնաթիռների համադրությունը թույլ է տալիս ենթադրել, որ խմբի հիմնական դերը լինելու է ցամաքային հարվածային առաքելությունների իրականացումը»,- ասվում է զեկույցում։
Բրիտանական հետախուզությունը նշում է՝ նման խմբի ստեղծումը խոսում է այն մասին, որ Ռուսաստանի ռազմաօդային ուժերի կանոնավոր էսկադրիլիաները հետ են մնում իրենց հիմնական առաջադրանքների՝ Ուկրաինայի սահմանների վրա հարձակումների կատարման հարցում։
Էմմա Չոբանյան
