16.01.2026 | 11:26
Չեմ ցանկանում հազարավոր ազգակից եղբայրներ կտրված ապրեն մեր հայրենիքից․ Հայկ Սարգսյանը նոր նախագիծ ներկայացրեց․ ՏԵՍԱՆՅՈՒԹ
Հունաստանի իշխող կուսակցությունը հաղթում է խորհրդարանական ընտրություններում
Քաղաքականություն
22.05.2023 | 12:42
Հունաստանում կայացած խորհրդարանական ընտրությունների նախնական արդյունքներով հաղթանակ է տարել իշխող պահպանողական «Նոր դեմոկրատիա» (ND) կուսակցությունը։ Ինչպես հայտնել է երկրի ՆԳՆ-ն, Հունաստանի ներկայիս վարչապետ Կիրիակոս Միցոտակիսի կուսակցությունը կարողացել է ստանալ ընտրողների 40,8%-ի աջակցությունը, փոխանցում է DW-ի ռուսական ծառայությունը։
Սակայն սա բավարար չէ ND-ին ինքնուրույն կառավարություն ձևավորելու համար։ Ավելի վաղ Միցոտակիսը հայտարարել էր, որ մտադիր չէ կոալիցիա կազմել այլ կուսակցությունների հետ։ Եթե նա չփոխի իր որոշումը, նոր ընտրություններ կնշանակվեն հունիսի վերջին կամ հուլիսի սկզբին։
Հունաստանի խորհրդարանական ընտրություններում երկրորդ տեղում, ըստ քվեարկության նախնական արդյունքների, գլխավոր ընդդիմադիր ասոցիացիան է՝ նախկին վարչապետ Ալեքսիս Ցիպրասի գլխավորած ձախ-արմատական ուժերի կոալիցիան (SYRIZA) 20,1% ձայնով։
Համահունական սոցիալիստական շարժումը (PASOK) ձայների քանակով երրորդ տեղում է։
