04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Ռուսական կողմը հայտնել է Զապորոժիեի ԱԷԿ-ի արտաքին էլեկտրամատակարարման անջատման մասին
Քաղաքականություն
22.05.2023 | 11:11
Ռուսական զինուժի կողմից գրավված Զապորոժիե ԱԷԿ-ը անջատվել է արտաքին էլեկտրամատակարարումից հայտնում է կայանը կառավարող «Ռոսատոմի» տելեգրամյան ալիքը։ BBC-ի ռուսական ծառայության հաղորդմամբ դա տեղի է ունեցել Ուկրաինայի հսկողության տակ գտնվող բարձրավոլտ «Դնեպրովսկայա» էլեկտրահաղորդման գծի անջատման պատճառով։
«Էներգամատակարարումն իրականացվում է դիզելային գեներատորներից։ Հետազոտվում են գծի անջատման պատճառները։ Ատոմակայանի տեղամասում, սանիտարական պահպանության գոտում և դիտակետում ռադիացիոն ֆոնը նորմալ է»,- ասվում է հաղորդագրության մեջ։
Ուկրաինայի իշխանությունները չեն մեկնաբանել այս պնդումները, սակայն Զապորոժիեի շրջանային ռազմական վարչակազմի ղեկավար Յուրի Մալաշկոն հայտնել է որոշ շրջաններում էլեկտրաէներգիայի մատակարարման հետ կապված խնդիրների մասին։
«Մարզկենտրոնի էլեկտրամատակարարման հետ կապված խնդիրները կապված չեն հակառակորդի գնդակոծության հետ, էներգահամակարգի գերծանրաբեռնվածությունից հրդեհ է բռնկվել օբյեկտներից մեկում, ներկայումս պաշտպանական համակարգն է աշխատել մեկ այլ օբյեկտում, պատճառները պարզվում են, և մասնագետներն աշխատում են ծառայությունների մատուցումը վերականգնելու ուղղությամբ»,- ասվում է վարչակազմի տելեգրամյան ալիքում։
