Քաղաքականություն
19.05.2023 | 23:32
ՌԴ-ի, Ադրբեջանի և Հայաստանի եռակողմ աշխատանքային խմբի հերթական նիստի օրն ու վայրը կորոշվեն երեք երկրների փոխվարչապետների խորհրդակցությունների արդյունքում: Այս մասին ՏԱՍՍ-ին հայտնել է Ռուսաստանի փոխվարչապետ Ալեքսեյ Օվերչուկը։
«Այսօր օրվա ընթացքում Ադրբեջանի Հանրապետության, Հայաստանի Հանրապետության և Ռուսաստանի Դաշնության փոխվարչապետերի միջև ինտենսիվ խորհրդակցություններ են ընթանում Հարավային Կովկասի տարածաշրջանում տրանսպորտային հաղորդակցությունների վերականգնման հարցի շուրջ ՝ մեր համատեղ նախագահությամբ եռակողմ աշխատանքային խմբի շրջանակներում։ Եռակողմ աշխատանքային խմբի հերթական նիստի անցկացման վայրի և օրվա վերաբերյալ վերջնական որոշումը կկայացվի խորհրդակցությունների արդյունքում»,-նշել է Օվերչուկը։
Ռուսաստանի նախագահ Վլադիմիր Պուտինը, Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը 2021 թվականի հունվարի 11-ին նրանք պայմանավորվել են երեք երկրների փոխվարչապետների մակարդակով աշխատանքային խումբ ստեղծել։
Ավելի վաղ ՌԴ ԱԳ նախարար Սերգեյ Լավրովը հայտնել էր, որ հաջորդ շաբաթ տեղի կունենա տրանսպորտային հաղորդակցությունների ապաշրջափակման հարցերով եռակողմ աշխատանքային խմբի նիստը։
