19.02.2026 | 13:41
Եթե թոշակառուները մինչև մարտի 5-ը քարտեր ձեռք չբերեն, մենք կանենք դա, քարտերը տներ կառաքենք.Թորոսյան. ՏԵՍԱՆՅՈՒԹ
Լավրովը հայտարարել է եռակողմ աշխատանքային խմբի հանդիպման ժամկետների մասին
Քաղաքականություն
19.05.2023 | 18:00
Հաջորդ շաբաթ տեղի կունենա տրանսպորտային հաղորդակցությունների ապաշրջափակման հարցերով եռակողմ աշխատանքային խմբի նիստը։ Այս մասին ասվում է Ռուսաստանի արտգործնախարար Սերգեյ Լավրովի՝ Ադրբեջանի և Հայաստանի ԱԳ նախարարներ Ջեյհուն Բայրամովի և Արարատ Միրզոյանի հետ բանակցություններից հետո հրապարակված մեկնաբանության մեջ։
«Հաջորդ շաբաթ տեղի կունենա փոխվարչապետների գլխավորած եռակողմ խմբի նիստ՝ տրանսպորտային հաղորդակցությունների ապաշրջափակման հարցերով։ Հուսով ենք, որ դրական արդյունք կգրանցվի։ Կողմերն արդեն մոտ են վերջնական համաձայնության»,- նշել է նախարարը։
«Մոտ ժամանակներս մենք պայմանավորվեցինք անցկացնել սահմանների սահմանազատման և սահմանագծման հարցերով երկկողմ հանձնաժողովի նիստ՝ Ռուսաստանի խորհրդատվական մասնակցությամբ»,- ասել է Լավրովը։
Տաթև Ֆռանգյան
