16.01.2026 | 10:01
Արտարժույթների փոխարժեքները՝ հունվարի 16-ի դրությամբ
G7-ի առաջնորդներն Ուկրաինայում խաղաղության հասնելու պայմանն են նշել․ կազմակերպությունը հայտարարություն է տարածել
Քաղաքականություն
19.05.2023 | 17:46
Ուկրաինայում արդար խաղաղությունն անհնար է առանց ռուսական զորքերի ամբողջական դուրսբերման, ասվում է G7-ի երկրների առաջնորդների համատեղ հայտարարության մեջ, որը հրապարակվել է Սպիտակ տան կայքում։
ԱՄՆ-ի, Կանադայի, Մեծ Բրիտանիայի, Ֆրանսիայի, Գերմանիայի և Իտալիայի ղեկավարները վերահաստատել են իրենց վճռական մերժումը Ռուսաստանի գործողություններին՝ երկրին մեղադրելով միջազգային իրավունքը, այդ թվում՝ ՄԱԿ-ի կանոնադրությունը խախտելու մեջ։
«Ընդգծում ենք, որ արդար խաղաղությունն անհնար է առանց ռուսական զորքերի և ռազմական տեխնիկայի ամբողջական ու անվերապահ դուրսբերման, և դա պետք է ներառվի խաղաղության ցանկացած կոչի մեջ»,- ասվում է հայտարարությունում։
G7-ի ղեկավարները նաև մատնանշել են Ռուսաստանի «անպատասխանատու միջուկային հռետորաբանությունը»: Երկրների ղեկավարները վերահաստատել են իրենց դիրքորոշումը ուկրաինական հակամարտության համատեքստում Ռուսաստանի կողմից միջուկային զենքի ցանկացած կիրառման անթույլատրելիության վերաբերյալ։
Բելառուսում միջուկային զենք տեղակայելու՝ հայտարարված մտադրությունը վտանգավոր է և անընդունելի, ասվում է փաստաթղթում։
Տաթև Ֆռանգյան
