07.10.2026 | 23:48
Արթուր Դանիելյանը կալանավորվեց
Թբիլիսիի օդանավակայանում մի քանի ցուցարար է բերման ենթարկվել․ երկրի նախագահը մեկնաբանել է ռուսական օդանավի վայրէջքը
Քաղաքականություն
19.05.2023 | 17:11
Թբիլիսիի միջազգային օդանավակայանում, որտեղ ցուցարարները բողոքում են ՌԴ-ից ինքնաթիռի ժամանման և Ռուսաստանի հետ ուղիղ չվերթների վերականգնման դեմ, իրավապահները բերման են ենթարկում ցուցարարներին, հայտնում է Գրուզիա օնլայնը։
Առկա տեղեկությունների համաձայն՝ բերման է ենթարկվել 5 մարդ, այդ թվում՝ քաղաքացիական ակտիվիստ Շուշանա Մացաբերիձեն։
Վրաստանի նախագահ Սալոմե Զուրաբիշվիլին ևս արձագանքել է քառամյա ընդմիջումից հետո ռուսական առաջին ինքնաթիռի վայրէջքին։
«Չնայած վրաց ժողովրդի դիմադրությանը՝ Ռուսաստանն անցանկալի թռիչքով վայրէջք կատարեց Թբիլիսիում: Ո՛չ Ռուսաստանի հետ օդային հաղորդակցությանը»,- Twitter-ում հակիրճ մեկնաբանել է Ռուսաստանի Դաշնության հետ ուղիղ չվերթների վերականգնումը Սալոմե Զուրաբիշվիլին։
Հիշեցնենք՝ մայիսի 10-ին ՌԴ նախագահ Վլադիմիր Պուտինը վերացրել է ռուսական ավիաընկերությունների համար Վրաստան թռիչքների արգելքը։ Մայիսի 15-ից Վրաստանի քաղաքացիների համար վիզային ռեժիմը չեղարկվել է։ Առայժմ ռուսական ավիաընկերություններից Վրաստան թռչելու իրավունք է ստացել միայն «Ազիմուտը»։ Վրաստանի իշխանություններից Թբիլիսի, Բաթումի և Քութայիսի թռիչքների թույլտվություն են խնդրել առնվազն չորս ռուսական ավիաընկերություններ։
Տաթև Ֆռանգյան
