24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ժամանակին կտեղեկացնենք․ Պեսկովը՝ Մոսկվայում Փաշինյան-Պուտին-Ալիև հնարավոր հանդիպման մասին
Քաղաքականություն
19.05.2023 | 14:40
Կրեմլը ժամանակին կտեղեկացնի Ռուսաստանի, Ադրբեջանի և Հայաստանի ղեկավարների միջև եռակողմ շփումների հնարավորության մասին։ Լրագրողների հետ զրույցում այս մասին ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով մայիսի 25-ին Մոսկվայում եռակողմ գագաթնաժողովի անցկացման հեռանկարների մասին հարցին, գրում է ՏԱՍՍ-ը։
«Հաջորդ շաբաթ մենք իսկապես կզբաղվենք եվրասիական ինտեգրման հարցերով։ Լինելու են և՛ Եվրասիական տնտեսական համաժողովը, և՛ Եվրասիական տնտեսական բարձրագույն խորհրդի նիստը Մոսկվայում։ Մենք հուսով ենք, որ Ադրբեջանի նախագահ Իլհամ Ալիևն ու Հայաստանի վարչապետ Նիկոլ Փաշինյանը կլինեն Մոսկվայում։ Հնարավոր շփումների մասին ժամանակին կտեղեկացնենք»,- ասել է Պեսկովը։
Հավելենք, որ ՀՀ վարչապետ Նիկոլ Փաշինյանը հայտնել էր Մոսկվայում կայանալիք հանդիպման մասին։
«Ռուսական կողմից ստացել ենք արդեն առաջարկ՝ Ռուսաստանի Դաշնության նախագահի միջնորդությամբ բարձրագույն մակարդակով եռակողմ հանդիպում անցկացնել Մոսկվայում մայիսի 25-ին, և մենք ընդունել ենք այդ առաջարկը»,- ասել էր Փաշինյանը։
Նշենք, որ մայիսի 17-ին էլ Ադրբեջանի նախագահ Իլհամ Ալիևն Բաքվում ընդունել էր Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչին՝ քննարկելով միության հետ համագործակցության հարցերը։
Էմմա Չոբանյան
