14.12.2024 | 15:11
Ավազակային հարձակում, սպանություն և սպանության փորձ կատարած ոստիկանության գնդապետը ցմահ ազատազրկվեց. Գլխավոր դատախազություն
Վերջին չորս տարվա ընթացքում Մոսկվա-Թբիլիսի առաջին չվերթն է իրականացվել
Քաղաքականություն
19.05.2023 | 12:16
Ռուսական «Ազիմուտ» ավիաընկերության ինքնաթիռը, որը Մոսկվա-Թբիլիսի չվերթն էր իրականացնում, օդ է բարձրացել Վնուկովո օդանավակայանից։ Սա Ռուսաստանի և Վրաստանի միջև առաջին ուղիղ չվերթն է վերջին չորս տարվա ընթացքում, գրում է Կոմերսանտը։
Օդանավակայանի կայքում տեղադրված տեղեկատվության համաձայն՝ չվերթը մեկնել է մի փոքր ուշացումով։ Սպասվում է, որ ինքնաթիռը Թբիլիսիի միջազգային օդանավակայան կժամանի տեղական ժամանակով 13:38-ին։
Հիշեցնենք՝ մյիսի 10-ին ՌԴ նախագահ Վլադիմիր Պուտինը վերացրել է ռուսական ավիաընկերությունների համար Վրաստան թռիչքների արգելքը։ Մայիսի 15-ից Վրաստանի քաղաքացիների համար վիզային ռեժիմը չեղարկվել է։ Առայժմ ռուսական ավիաընկերություններից Վրաստան թռչելու իրավունք է ստացել միայն «Ազիմուտը»։ Վրաստանի իշխանություններից Թբիլիսի, Բաթումի և Քութայիսի թռիչքների թույլտվություն են խնդրել առնվազն չորս ռուսական ավիաընկերություններ։
