14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Թուրքիան սկսել է սեփական ուժերով արդիականացնել F-16 կործանիչները
Քաղաքականություն
19.05.2023 | 12:59
Թուրքիայի ռազմաօդային ուժերի հրամանատարությանն են փոխանցվել տեղական ընկերությունների կողմից արդիականացված առաջին F-16 կործանիչները։ Անադոլու գործակալության փոխանցմամբ՝ Թվիթերում այս մասին հայտնել է Թուրքիայի պաշտպանական արդյունաբերության վարչության նախագահ Իսմայիլ Դեմիրը։
F-16 կործանիչների արդիականացման տեղական նախագիծը նախաձեռնվել է Թուրքիայի նախագահի աշխատակազմին առընթեր Պաշտպանական արդյունաբերության տնօրինության կողմից և ստացել ÖZGÜR անվանումը: Այս նախագծի շրջանակում փոխարինվել են ինքաթիռների ռադարները, կառավարման համակարգերը, ավիոնիկան, ինչը հնարավորություն է տվել F-16 Block-30-ի ծառայության ժամկետը 8,000-ից հասցնել 12,000 ժամի։
Նմանատիպ արդիականացման գործընթաց է նախատեսվում Block 40 և 50 տարբերակների համար։ Այսպիսով, ինքնաթիռները կարող են օգտագործվել մինչև 2040-ական թվականները։
Նշվում է, որ ինքնաթիռում ինտեգրված են ներքին ավիացիոն համակարգեր, որոնք ինքնաթիռը հասցրել են «Viper» մակարդակի։ Քանի որ արդիականացված F-16-ի բորտ-համակարգիչը տեղական է, հնարավոր կլինի ինտեգրել թուրքական պաշտպանական արդյունաբերության մշակած այլ տեխնոլոգիական լուծումներ ևս։
Հիշեցնենք՝ Թուրքիան ԱՄՆ-ին դիմել է նոր F-16 կործանիչների և արդիականացման սարքերի գնման համար, սակայն գործարքը դեռ վերջնական չի հաստատվել։
Էմմա Չոբանյան
