14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
ՌԴ-ի դեմ Մեծ Բրիտանիայի պատժամիջոցների ցուցակում ևս 86 ֆիզիկական անձ և ընկերություն է ավելացել
Քաղաքականություն
19.05.2023 | 14:03
Մեծ Բրիտանիան պատժամիջոցներ է սահմանել 86 անձի և ռուսական ընկերությունների, այդ թվում՝ Tinkoff Bank-ի և Rosbank-ի դեմ, գրում է BBC-ի ռուսական ծառայությունը։
«Պատժամիջոցներն ուղղված են Ռուսաստանի էներգետիկայի, մետալուրգիայի, պաշտպանության, տրանսպորտի և ֆինանսական ոլորտների հետ կապված անհատներին և կազմակերպություններին, ինչը կուժեղացնի ճնշումը Պուտինի մնացած եկամտի աղբյուրների և այդ ոլորտները պատերազմին աջակցելու համար օգտագործելու փորձերի վրա»,- ասվում է մամուլի հաղորդագրությունում։
Ռուսաստանում ոսկու արդյունահանման խոշորագույն ընկերությունները՝ «Պոլյուսը», ԱՖԿ «Սիստեման», «Սևերստալը», «Մագնիտոգորսկի մետալուրգիական կոմբինատը», ինչպես նաև ռուսական երկաթուղիների, «Սոֆկոմֆլոտի» և «Տրանսնեֆտի» տնօրենների խորհուրդների անդամները նույնպես ենթարկվել են սահմանափակման միջոցների:
Միացյալ Թագավորության ցուցակում ներառված են նաև 9 կազմակերպություններ, որոնք կապված են «Ռոսատոմ»-ի, «Դոմ ՌՖ» բանկի և ռուսական «Պղնձե ընկերության» հիմնադիր Իգոր Ալտուշկինի հետ:
Ավելի վաղ հայտարարվել էր, որ Մեծ Բրիտանիան արգելելու է ռուսական ադամանդների ներկրումը Մոսկվայի դեմ պատժամիջոցների շրջանակում։ Այս տարվա վերջին ընդունվելիք օրենսդրության համաձայն՝ կարգելվի նաև ռուսական ծագման պղնձի, ալյումինի և նիկելի ներմուծումը, ասվում է վարչապետի գրասենյակի հաղորդագրության մեջ։
Տաթև Ֆռանգյան
