14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Ուկրաինական զորքերը Բախմուտում մարտավարական նախաձեռնությունն իրենց ձեռքն են վերցրել․ISW
Քաղաքականություն
19.05.2023 | 11:55
Ուկրաինական զորքերը մայիսի 18-ի հակահարձակման գործողությունների ընթացքում մարտավարական նախաձեռնությունը վերցրել են իրենց ձեռքն ու հասել մարտավարական նշանակալի հաջողությունների Բախմուտի շրջանում, ասվում է Պատերազմի ուսումնասիրման ամերիկյան ինստիտուտի (ISW) զեկույցում, գրում է DW-ի ռուսական ծառայությունը։
Այս գործողություններն, ըստ ISW-ի տեղային հակահարձակումների շարունակությունն են, որոնք ուկրաինական ուժերն իրականացնում են արդեն մի քանի օր, բայց դրանք չեն ազդարարում նոր խոշոր գործողության մեկնարկ։
Ինստիտուտի վերլուծաբանները մեջբերում են «Վագներ» մասնավոր ռազմական խմբավորման հիմնադիր Եվգենի Պրիգոժինի հայտարարությունը այն մասին, որ ռուսական զորքերը Բախմուտից հյուսիսում 570 մետր տարածք են կորցրել:
«Վագներ» խմբավորման հարձակողական գործողությունների սահմանափակ բնույթը համեմատած ուկրաինական տեղային հակահարձակումների հետ ընդգծում են այդ շրջանում Ռուսաստանի կողմից նախաձեռնողականության կորուստը»,-ասվում է զեկույցում։
