06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
Ճապոնիան և ԱՄՆ-ը պայմանավորվել են Ռուսաստանի դեմ հետագա պատժամիջոցների շուրջ
Քաղաքականություն
18.05.2023 | 22:50
Տոկիոն և Վաշինգտոնը պայմանավորվել են Ռուսաստանի դեմ հետագա պատժամիջոցների և Ուկրաինային աջակցելու մասին։ ԱՄՆ նախագահ Ջո Բայդենի հետ համաձայնության մասին հայտարարել է Ճապոնիայի վարչապետ Ֆումիո Կիսիդան, հայտնում է Reuters-ը։
Նա հավելել է, որ երկրները նաև վերահաստատել են «Չինաստանից եկող սպառնալիքի» հետ կապված ընդհանուր հարցերի շուրջ համատեղ աշխատանքի կարևորությունը։
Ավելի վաղ Ճապոնիայի կաբինետի գլխավոր քարտուղար Հիրոկաձու Մացունոն խոստացել էր, որ Տոկիոն կշարունակի ջանքեր գործադրել հակառուսական պատժամիջոցներն ուժեղացնելու համար, ինչպես նաև Կիևին ամեն տեսակի աջակցություն ցուցաբերելու համար։
Մայիսի 17-ին ԱՄՆ նախագահի ազգային անվտանգության հարցերով խորհրդական Ջեյք Սալիվանը հայտարարել է, որ Միացյալ Նահանգները G7-ի գագաթնաժողովում կհայտարարի հակառուսական պատժամիջոցների նոր փաթեթի մասին՝ ուղղված նախկինում սահմանված սահմանափակումների իրականացմանը։
Տաթև Ֆռանգյան
