15.01.2026 | 21:00
Ադրբեջանի հարձակումը կլինի ԱՄՆ-ի շահի դեմ․ ՀՀ է գալիս ամերիկյան ֆինանսը և տնտեսական շահը․ Արմինե Մարգարյան․ ՏԵՍԱՆՅՈՒԹ
ՀՀ-ում մնում է ՌԴ-ի ռազմաբազան, սահմանին ռուսներն ավելանում են․ սա դեպի Արևմուտք շրջադարձին նման չէ․ Գևորգ Մելիքյան. ՏԵՍԱՆՅՈՒԹ
Քաղաքականություն
18.05.2023 | 19:02
Ռեյկյավիկում Եվրոպայի խորհրդի նիստում Հայաստանն ու ևս հինգ երկրներ չեն ստորագրել Ռուսաստանի կողմից ռազմական հարձակման ենթարկված Ուկրաինայի վնասների գրանցամատյան ստեղծելու հռչակագիրը: 43 պետություն միացել է դրան։
ՀՀ-ն ձեռնպահ է քվեարկում միջազգային կառույցներում ՌԴ-ի դեմ բանաձևերին։ Փաշինյանին կարելի է տեսնել մեկ՝ Մոսկվայի հրապարակում ռազմական շքերթում, մեկ՝ Բայդենի Ժողովրդավարության գագաթնաժողովին, իսկ հունիսի 1-ին նա կլինի Քիշնևում՝ Եվրոպական քաղաքական համայնքի գագաթնաժողովին։ Այս քաղաքականությունը՝ հստակ աշխարհաքաղաքական նախընտրություն չունենալը վնասո՞ւմ է ՀՀ-ին, թե՞ աջակցում։
Միջազգային հարաբերությունների մասնագետ, քաղաքական գիտությունների թեկնածու Գևորգ Մելիքյանը Factor TV-ին տված հարցազրույցում նշում է, որ ՌԴ-ն իր կատարած սխալի՝ ուկրաինական պատերազմի պատճառով այսօր շատ ուժեղ ճնշման տակ է, և ՀՀ-ն այսօր մանևրում է։
«Եթե Հայաստանն իրեն Արևմուտքում է տեսնում, ռազմավարական նշանակության փաստաթղթեր պիտի ստորագրվեն։ ՀՀ-ի այսօրվա քաղաքականությունը, արածը ՌԴ-ից դեպի Արևմուտք շրջադարձի նման չէ բացարձակապես՝ անընդհատ զգուշվորության մեջ է Հայաստանը։ ՀՀ-ում մնում է ՌԴ ռազմաբազա, սահմաններին ՌԴ-ի զինծառայողներն ավելանում են, ինչպե՞ս են ասում, որ Հայաստանը հեռանում է ՌԴ-ից։ Այսօր ռուսական ինտեգրումը խորանում է, և ՌԴ-ն չի հեռացել տարածաշրջանից, բայց կարծում եմ, որ եկել է դրանից հրաժարման պահը։ ՀՀ-ի անելիքն է, որ ՌԴ-ի ազդեցությունը նվազի»,- ասաց քաղաքագետը։
Հարցազրույցն ամբողջությամբ՝ տեսանյութում։
Ռոբերտ Անանյան
