16.01.2026 | 10:01
Արտարժույթների փոխարժեքները՝ հունվարի 16-ի դրությամբ
Թուրքիայի խորհրդարանում մեկ հայ պատգամավոր կլինի Էրդողանի կուսակցությունից
Քաղաքականություն
18.05.2023 | 16:27
Մայիսի 14-ին Թուրքիայում կայացած խորհրդարանական ընտրությունների արդյունքում հայազգի մեկ թեկնածու է հայտնվել Ազգային Մեծ ժողովում։ Մասնավորապես, մանդատ է ստացել Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում» կուսակցությունից Սևան Սըվաջըօղլուն։
Սըվաջօղլուն ընտրվել է Ստամբուլի 2-րդ շրջանից։ Նա մասնագիտությամբ բժշիկ է, աշխատել է նաև Սուրբ Փրկիչ հայկական հիվանդանոցում։
Հավելենք, որ ընտրություններին մասնակցում էին այլ հայազգի թեկնածուներ ևս՝ գլխավոր ընդդիմադիր Ժողովրդահանրապետական կուսակցությունից (CHP) Մարգարիտ Դիքմեն և Թուրքիայի Աշխատավորական կուսակցությունից գրող, պատմաբան Մասիս Քյուրքջուգիլը։ Նրանց չի հաջողվել բավարար ձայներ ստանալ։
Հավելենք, որ 2018 թվականի ընտրություններին Էրդողանի կուսակցությունից ընտրվել էր հայազգի Մարգար Եսայանը, քրդամետ Ժողովուրդների դեմոկրատական կուսակցությունից էլ՝ Կարո Փայլանը։ Վերջինն այս ընտրություններին չէր մասնակցում։
Էմմա Չոբանյան
