24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ՀԱՊԿ գլխավոր քարտուղարը հույս է հայտնել, որ ՀՀ-Ադրբեջան բանակցությունները կհանգեցնեն խաղաղության պայմանագրի ստորագրման
Քաղաքականություն
18.05.2023 | 14:34
ՀԱՊԿ անդամ երկրների համախմբվածության խնդիրն իրականում շատ լուրջ է։ Մինսկում ընթացող ՀԱՊԿ Խորհրդարանական վեհաժողովի խորհրդի նիստի շրջանակում լրագրողների հետ զրույցում այս մասին հայտարարել է կազմակերպության գլխավոր Իմանգալի Տասմագամբետովը, գրում է ԲԵԼՏԱ-ն։
«Աշխարհաքաղաքական իրավիճակն աշխարհում լարված է, ՀԱՊԿ պատասխանատվության գոտում կան բազմաթիվ ճգնաժամային պահեր։ Դա Հայաստանի և Ադրբեջանի միջև հակամարտության խնդիրն է, նաև Ղրղզստանի և Տաջիկստանի սահմանային խնդիրը»,- ասել է նա։
Տասմագամբետովը նշել է, որ Հարավային Կովկասում ևս պարբերաբար բանակցություններ են անցկացվում․ Հայաստանը և Ադրբեջանը հայտարարում են, որ ճանաչում են իրենց երկրների միջև սահմանները՝ համաձայն Ալմա-Աթայի հռչակագրի (1991 թ.):
«Հուսով ենք, որ այդ բանակցությունները կհանգեցնեն խաղաղության պայմանագրի ստորագրման, և հետագայում կսկսեն սահմանների սահմանազատումը»,- ասել է ՀԱՊԿ գլխավոր քարտուղարը։
Էմմա Չոբանյան
