Քաղաքականություն
18.05.2023 | 17:41
Պոպուլիզմն առանձին ընդդիմադիր քաղաքական գործիչների հռետորաբանության մեջ, որոնք հակառուսական հայտարարություններով փորձում են հաճոյանալ Արևմուտքին, վնաս է հասցնում մեր երկրին։ Նման հայտարարությունների հետևանքները զգում են ֆերմերները, զբոսաշրջության ոլորտը և արտահանողները։ Այս մասին ասել է Անթալիայում քարոզարշավը շարունակող Թուրքիայի ԱԳ նախարար Մևլութ Չավուշօղլուն՝ մեկնաբանելով նախագահի ընդդիմության միասնական թեկնածու Քեմալ Քըլըչդարօղլուի հայտարարությունները, գրում է Անադոլու գործակալությունը։
«Ի՞նչ օգուտ կբերեն Ռուսաստանի Դաշնության դեմ պատժամիջոցները Թուրքիային և ուղղակիորեն Անթալիայի բնակիչներին։ Հակառուսական խոստումներ տվողները մտածո՞ւմ են զբոսաշրջության և արտահանողների մասին»,- ասել է Չավուշօղլուն։
Նրա խոսքով՝ «Քըլըչդարօղլուի հակառուսական հայտարարությունների պատճառով», իբր, Ռուսաստանից զբոսաշրջիկների հոսքի նվազում է նկատվում, որոշները հետաձգում են Թուրքիայում հանգստի պլանները ընտրությունների երկրորդ փուլից հետո։
Հավելենք, որ Քըլըչդարօղլուն ավելի վաղ ՌԴ-ին մեղադրել էր Թուրքիայի ընտրություններին միջամտելու մեջ։ Նա նաև նշել է, որ նախագահ Էրդողանը ռուսական հսկողության տակ է։
Էմմա Չոբանյան
