27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
ԱՄՆ-ն Իսրայելին առաջարկել է համատեղ ծրագիր մշակել Իրանի գործողություններին պատասխանելու համար․ Axios
Քաղաքականություն
18.05.2023 | 14:16
ԱՄՆ-ն Իսրայելին նախաձեռնություն է ներկայացրել, որի շրջանակում երկու երկրների զինվորականները կարող են միասին ծրագիր մշակել Իրանի գործողություններին պատասխանելու համար։ Այս մասին հայտնում է Axios-ը՝ հղում կատարելով ամերիկյան և իսրայելական իշխանություններում իր անանուն աղբյուրներին։
«ԱՄՆ նախագահ Ջո Բայդենի վարչակազմը մի քանի շաբաթ առաջ Իսրայելին ծանոթացրել է Իրանի նկատմամբ համատեղ ռազմական պլանավորում իրականացնելու գաղափարը»,- Axios-ին ասել են ԱՄՆ-ի և Իսրայելի վարչակազմերում երեք տեղեկացված անձինք։
Ամերիկյան կողմն ընդգծել է, որ սա աննախադեպ առաջարկ է, որը կհանգեցնի ԱՄՆ-ի և Իսրայելի միջև ռազմական համագործակցության զգալի զարգացման։
Սակայն ամերիկացի աղբյուրներից մեկը պարզաբանել է, որ «խոսքն Իրանի միջուկային ծրագրին Իսրայելի և ԱՄՆ-ի համատեղ որևէ հարվածի պլանավորման մասին չէ»։
Միևնույն ժամանակ, ըստ Axios-ի, Իսրայելի իշխանությունները կասկածանքով են վերաբերվել ԱՄՆ-ի նախաձեռնությանը՝ կարծելով, որ Վաշինգտոնը փորձում է Իսրայելին զրկել Իրանի, հատկապես՝ նրա միջուկային ծրագրի դեմ գործելու հնարավորությունից, եթե Վաշինգտոնը դեմ լինի նման քայլերի իրականացմանը:
Արդյունքում Իսրայելը չի մերժել Վաշինգտոնի ծրագիրը, սակայն պարզաբանումներ է խնդրել։
Տաթև Ֆռանգյան
