07.10.2026 | 23:48
Արթուր Դանիելյանը կալանավորվեց
TikTok-ն արգելել են ամերիկյան Մոնտանա նահանգում
Քաղաքականություն
18.05.2023 | 23:17
Ամերիկյան Մոնտանա նահանգի ղեկավար Գրեգ Ջիանֆորտեն օրենք է ստորագրել TikTok-ի աշխատանքն արգելելու մասին։ Այս մասին նա հայտնել է Twitter-ում։
«Մոնտանայի բնակիչների անձնական տվյալները Չինաստանի Կոմունիստկական կուսակցությունից պաշտպանելու համար ես արգելել եմ TikTok-ը»,- գրել է Ջիանֆորտեն։
Այսպիսով, Մոնտանան դարձել է ԱՄՆ-ի առաջին նահանգը, որտեղ արգելել են բջջային հավելվածի օգտագործումը։
Օրենքն արգելում է TikTok-ին գործել Մոնտանայում, իսկ Apple App Store և Google Play Store առցանց հարթակներին՝ այն հասանելի դարձնել նահանգում ներբեռնման համար: Օրենքի խախտման համար կարող է տուգանք սպառնալ՝ օրական մինչև 10 հազար դոլարի չափով:
Հիշեցնենք, որ անցյալ տարվա վերջին ԱՄՆ Կոնգրեսը հավանություն տվեց օրինագծին, որն արգելում է TikTok սոցիալական ցանցի օգտագործումը դաշնային կառավարության հեռախոսների և էլեկտրոնային սարքերի վրա։ Փետրվարին Սպիտակ տունը բոլոր դաշնային գործակալություններին 30 օր է տվել՝ հեռացնելու չինական հավելվածը պետական բոլոր սարքերից:
TikTok-ն ավելի քան 100 միլիոն օգտատեր ԱՄՆ-ում:
Տաթև Ֆռանգյան
