27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
ԱՄՆ-ը թույլ չի տալիս ուկրաինացի օդաչուներին Եվրոպայում մարզվել F-16-երով․ NYT
Քաղաքականություն
18.05.2023 | 13:37
ԱՄՆ-ը թույլ չի տալիս ուկրաինացի օդաչուներին սկսել F-16 կործանիչների վրա ուսուցումը Եվրոպայում, չնայած որոշ երկրներ պատրաստակամություն են հայտնել նման վարժանքներ անցկացնել։ Այս մասին գրում է The New York Times-ը՝ անանուն ուկրաինացի աղբյուրին հղումով։
Աղբյուրի փոխանցմամբ՝ առանց ԱՄՆ-ի թույլտվության ուկրաինացի օդաչուներին կարող են միայն ծանոթացնել տեխնիկական բնութագրերին ու տակտիկական դասեր անցկացնել։ F-16-երի վրա փորձնական թռիչքներն անհնար են։
«Վաշինգտոնի հոռետեսությունն այնքան խորն է, որ Կիևից օդաչուներին այժմ չի թույլատրվում անգամ մարզվել եվրոպական պետություններին պատկանող F-16-ի վրա»,- գրում է պարբերականը՝ բարձրաստիճան պաշտոնյային հղումով։
Ըստ NYT-ի՝ նախագահ Ջո Բայդենի վարչակազմը, որը պետք է հաստատի ամերիկյան արտադրության ցանկացած ինքնաթիռի փոխանցումը, վստահ չէ, որ Ուկրաինային թանկարժեք կործանիչներ են պետք:
Ամերիկացի բարձրաստիճան պաշտոնյան ասել է, որ Սպիտակ տունը դեմ է Ուկրաինային F-16-երի մատակարարմանը, քանի որ ինքնաթիռը չափազանց թանկ է: Որպես հետևանք՝ այդ կործանիչների փոխանցման վրա կարող է ծախսվել Ուկրաինային աջակցության բյուջեի մեծ մասը։ Փոխարենը Սպիտակ տունը պատրաստվում է կենտրոնանալ այլ զինատեսակների մատակարարման ուղղությամբ։
Տաթև Ֆռանգյան
