16.01.2026 | 13:04
TRIPP-ի հետ կապված փաստաթղթերի նախագծեր են կազմվել․ Կարեն Անդրեասյանի Լոնդոն այցի արդյունքները
Ղրիմում դադարեցվել է Սիմֆերոպոլի և Սևաստոպոլի միջև երկաթուղային հաղորդակցությունը
Քաղաքականություն
18.05.2023 | 11:45
Սիմֆերոպոլ-Սևաստոպոլ հատվածում էլեկտրագնացքների աշխատանքը ժամանակավորապես դադարեցվել է։ Այս մասին հայտնել է բռնակցված Ղրիմի ղեկավարի խորհրդական Օլեգ Կրյուչկովը։ Նա տեղի ունեցածի պատճառը չի հայտնել, գրում է Meduza-ն։
Ռուսական մի շարք աղբյուրներ ավելի վաղ հայտնել էին, որ Ղրիմի Սիմֆերոպոլի շրջանում՝ Բախչիսարայի մոտ, մայիսի 18-ի առավոտյան պայթյուն է տեղի ունեցել երկաթուղու վրա, որի հետևանքով ռելսերից դուրս է եկել հացահատիկով 8 վագոն, 5-ը՝ շրջվել։
Ավելի ուշ «ՌԻԱ Նովոստի» պետական գործակալությունը ևս հայտնել է, որ Սիմֆերոպոլի մոտակայքում գծերից դուրս է եկել հացահատիկով լի հինգ վագոն։ Գործակալությունը պայթյունի մասին ոչինչ չի հայտնել, սակայն գրել է, որ դեպքը տեղի է ունեցել «երկաթուղային տրանսպորտի աշխատանքին չլիազորված անձանց միջամտության» հետևանքով։
Բռնակցված Ղրիմի ղեկավար Սերգեյ Աքսյոնովը նշել է, որ տուժածներ չկան։
