Կարող է լինեն պաշտոնյաներ, որոնք օժանդակել են, զիջում չի լինի․ ՔՊ-ականը՝ հայտնաբերված թմրամիջոցի մասին․ ՏԵՍԱՆՅՈՒԹ

Հայաստանում գործող և մրգերի ներմուծմամբ զբաղվող ընկերություններից մեկը Հայաստան է ներմուծել շուրջ 1 տոննա «Կոկաին»։ Այս մասին այսօր հաղորդագրություն է տարածել ԱԱԾ-ն։ Սև շուկայում շուրջ 250 մլն եվրո արժեքով արգելված բեռը տեղափոխվել է ԱԱԾ։ Թմրամիջոցը Հայաստան է ներմուծվել Էկվադորում գտնվող ընկերությունից պատվիրված ապրանքատեսակի հետ տարանցիկ երկրների՝ Պանամայի Հանրապետության, Իտալիայի Հանրապետության և Վրաստանի տարածքով։

Թեմայի շուրջ Factor TV-ի հետ զրույցում «Քաղաքացիական պայմանագիր» խմբակցության պատգամավոր Արմեն Խաչատրյանը նշեց․ «Մենք սատարում ենք ուժային կառույցներին բոլոր այն գործողություններում, որոնք ուղղված են թմրամիջոցների ապօրինի շրջանառության դեմ։ Մենք ամեն ինչ անելու ենք, որպեսզի հասնենք ցանկալի արդյունքի և որևէ հանդուրժողականություն այս ճանապարհին չի լինելու»։

Անդրադառնալով հարցին, թե հնարավո՞ր է այդ թմրամիջոցը Հայաստան է ներմուծվում որոշ անձանց նկատմամբ պետական հովանավորչության շնորհիվ, Խաչատրյանը նշեց․ «Պետական հովանավորչություն չի կարող լինել նման գործում։ Կարող են լինել պաշտոնատար անձինքն, ովքեր անփութորեն կամ հենց դիտավորությամբ նպաստել են այդ գործին։ Իհարկե, բացառել հնարավոր չէը։

Պատգամավորը հույս հայտնեց, որ մինչև վերջ քննություն է տարվելու՝ բազմակողմանի և օբյեկտիվ, վեր են հանվելու բոլոր մեղավորները։

Խաչատրյանը հավելեց, որ քննությամբ կպարզվի նաև, թե ինչ նպատակով էր Հայաստան ներմուծվել 1 տոննա «Կոկաինը»․ «Ես վստահ եմ, որ դա արտահանվելու էր, քանի որ հայաստանյան շուկայում այդքան «Կոկաինը» դժվար կիրացվեր և հաստատ կբռնվեին։ Կարծում եմ՝ դա արտահանման համար նախատեսված բեռ է եղել, իհարկե, հնարավոր է, որ դրա մի մասը Հայաստանում պետք է իրացվեր»։

Մանրամասները՝ տեսանյութում։