16.05.2026 | 17:02
Մայիսի 17-ից օդի ջերմաստիճանը կբարձրանա
Կլինի առաջընթաց՝ բարձր կգնահատենք․ Զախարովան՝ բրուսելյան հանդիպման մասին. ՏԵՍԱՆՅՈՒԹ
Քաղաքականություն
17.05.2023 | 19:26
Մոսկվան ըստ արժանվույն կգնահատի այն քայլերը, որոնք իրականում որոշակի կառուցողական արդյունքների կհանգեցնեն։ ԵՄ-ն «ընդամենը փորձում է ընդհատել» օրակարգը, ինչ-որ արդյունքներ վերաշարադրել Հայաստանի ու Ադրբեջանի բանակցությունների համատեքստում։ Այս մասին իր ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Եթե որևէ ճիշտ քայլ տանում է դեպի նորմալացում և հանգստություն, Ռուսաստանի Դաշնությունը միշտ ընդգծում է դրական միտումը, վստահեցրել է ռուս դիվանագետը։
«Առայժմ գնահատելու ոչինչ չկա, առայժմ մենք տեսնում ենք միայն օրակարգն ընդհատելու, որոշ արդյունքներ իրենց վերագրելու սարսափելի, հստակ արտահայտված ցանկություն»,- հայտարարել է Զախարովան՝ մեկնաբանելով Բրյուսելու մայիսի 14-ին կայացած եռակողմ բանակցությունները։
Հիշեցնենք, որ բանակցությունները Բրյուսելում տեղի են ունեցել ԵՄ Խորհրդի նախագահ Շառլ Միշելի մասնակցությամբ։
Տաթև Ֆռանգյան
