07.10.2026 | 23:48
Արթուր Դանիելյանը կալանավորվեց
Ալիևը ԵՏՄ-ի հետ համագործակցության հարցեր է քննարկել Եվրասիական տնտեսական հանձնաժողովի նախագահի հետ
Քաղաքականություն
17.05.2023 | 15:17
Ադրբեջանի նախագահ Իլհամ Ալիևն այսօր Բաքվում ընդունել է Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչին, հաղորդում են տեղական լրատվամիջոցները։
«Հանդիպման ընթացքում կողմերը քննարկել են Եվրասիական տնտեսական միության (ԵՏՄ) անդամ երկրների հետ Ադրբեջանի ապրանքաշրջանառությունը և առևտրային հարաբերությունների ընդլայնման հնարավորությունը»,- ասվում է Ադրբեջանի նախագահականի տարածած հաղորդագրության մեջ։
Նշվում է, որ Մյասնիկովիչն Ալիևին ներկայացրել է նաև համագործակցության տարբեր ոլորտների վերաբերյալ առաջարկներ։
Եվրասիական տնտեսական հանձնաժողովը միության մշտական կարգավորող մարմինն է։
Հավելենք, որ ԵՏՄ անդամ երկրներն են՝ Հայաստանը, Բելառուսը, Ղազախստանը, Ղրղզստանը և ՌԴ-ն։
Էմմա Չոբանյան
