15.01.2025 | 10:17
Արտարժույթների փոխարժեքները՝ հունվարի 15-ի դրությամբ
Համաշխարհային տնտեսությանը դժվար տարի է սպասվում․ Իլոն Մասկ
Քաղաքականություն
17.05.2023 | 15:51
Համաշխարհային տնտեսությանը դժվար տարի է սպասվում, շատ ընկերություններ կսնանկանան։ Նման կարծիք է հայտնել Tesla-ի գործադիր տնօրեն Իլոն Մասկը, գրում է MarketWatch-ը։
«Առջևում դժվարին 12 ամիս է, և Tesla-ն անձեռնմխելի չէ համաշխարհային տնտեսական միջավայրից»,- ասել է Մասկը ընկերության բաժնետերերի ժողովում:
Նա կանխատեսում է, որ մակրոտնտեսական իրավիճակը բարդ կլինի առնվազն 12 ամիս։ Այդ ընթացքում հետընթաց կլինի, իսկ Tesla-ի երկարաժամկետ ներդրողների համար ամեն բան «չափազանց լավ» կլինի, հավելել է նա։
Բացի այդ, ընկերությունը ծրագրում է երկու նոր արտադրանք, որոնք «մեկ գլուխ բարձր կլինեն այն ամենից, ինչ կա շուկայում», ինչպես նաև կփորձի սկսել գովազդի ավանդական մեթոդները, որոնցից մինչ օրս խուսափում էր։
Մասկը նաև հաստատել է, որ Cybertruck փիքափները վաճառքի կհանվեն այս տարի։ Միաժամանակ, նա հերքել է ընկերության գործադիր տնօրենի պաշտոնից իր հեռանալու մասին լուրերը։
Տաթև Ֆռանգյան
