27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Պուտինն ու Ռաիսին տեսակապով մասնակցում են Ռեշտ-Աստարա երկաթուղու կառուցման համաձայնագրի ստորագրմանը
Քաղաքականություն
17.05.2023 | 13:41
Ռուսաստանի Դաշնության և Իրանի նախագահներ Վլադիմիր Պուտինն ու Էբրահիմ Ռաիսին տեսակապով մասնակցում են Ռեշտ-Աստարա երկաթուղային հատվածի կառուցման մասին համաձայնագրի ստորագրման արարողությանը, գրում է ՏԱՍՍ-ը։
Փաստաթղթի համաձայն՝ Մոսկվան ու Թեհրանը համատեղ են ֆինանսավորելու նախագծման, շինարարության աշխատանքները, ինչպես նաև ապրանքների և ծառայությունների մատակարարումը։
Փաստաթուղթը ստորագրելու են ՌԴ տրանսպորտի նախարար Վիտալի Սավելևն ու Իրանի ճանապարհների և քաղաքաշինության նախարար Մեհրդադ Բազրպաշը։ Ռուսական կողմից արարողությանը ներկա է նաև փոխվարչապետ Ալեքսանդր Նովակը։
Ռեշտ-Աստարա գծի երկարությունը կկազմի 170 կմ։
Հավելենք, որ Ուկրաինայում պատերազմի մեկնարկիցի վեր ՌԴ-ն մեծ ջանքեր գործադրում երկաթգծի կառուցումը կյանքի կոչելու համար։ Ադրբեջանը, ՌԴ-ն ու Իրանն ակտիվ բանակցություններ էին վարում, սակայն վերջին ամիսներին Թեհրանի և Բաքվի հարաբերություններում լուրջ լարվածության ֆոնին դեռևս պարզ չէ, թե նախագիծն ինչ ընթացք կունենա։
Ադրբեջանական կողմը վերջին շրջանում բանակցություններին չի մասնակցում։
Էմմա Չոբանյան
