08.10.2026 | 10:15
Ռոնալդուն արձագանքել է Մեսիի հրաժեշտի խաղին. ԼՈՒՍԱՆԿԱՐ
Լավրովը հայտարարել է, թե ՀԱՊԿ առաքելության տեղակայմամբ «ՀՀ-ն ավելի կայուն իրավիճակ կունենար»
Քաղաքականություն
17.05.2023 | 13:06
ՌԴ ԱԳ նախարար Սերգեյ Լավրովը «Ցարգրադ» հեռուստաալիքին տված հարցազրույցում հայտարարել է, թե եթե Հայաստանում տեղակայվեր ՀԱՊԿ դիտորդական առաքելությունը, ապա Հայաստանն ավելի կայուն իրավիճակ կունենար, գրում է ՏԱՍՍ-ը։
«2022 թվականի աշնանը Երևանում ՀԱՊԿ գագաթնաժողովի համար փաստաթուղթ է պատրաստվել Հայաստանի տարածքում Հավաքական անվտանգության պայմանագրի կազմակերպության դիտորդական առաքելություն տեղակայելու մասին։ Եթե Երևանը հաստատեր այն և պատրաստակամ լիներ ստորագրմալ, համոզված եմ, որ Հայաստանը կշահեր և կստանար ավելի կայուն իրավիճակ»,- ասել է Լավրովը։
Նա նաև նշել է, որ փաստաթուղթն ամբողջովին համաձայնեցված է եղել ԱԳՆ մակարդակով։
«Այնուհետև, վերջին պահին՝ հենց գագաթնաժողովում հայ ընկերները խնդրեցին հետաձգել դրա ընդունումը։ Մինչ այժմ այն մնում է թղթային և չի կարող իրականացվել»,- ասել է Լավրովը։
Հիշեցնենք, որ ՀԱՊԿ-ն այդպես էլ չի ցանկանում առնվազն քաղաքական գնահատական տալ 2022 թվականի սեպտեմբերի 13-ին Ադրբեջանի կողմից ՀՀ-ի դեմ իրականացված ագրեսիային, չի ճանաչում նաև ՀՀ սուվերեն տարածքները։
Էմմա Չոբանյան
