06.06.2026 | 21:21
Եղիշե Մելիքյանը՝ Ղազախստանի հավաքականի հետ ոչ-ոքիի մասին․ ՏԵՍԱՆՅՈՒԹ
ՄԱԿ-ը նշել է Ուկրաինայի ենթակառուցվածքների վերականգնման համար անհրաժեշտ ծախսերի չափը
Քաղաքականություն
17.05.2023 | 13:57
ՄԱԿ-ը կարծում է, որ ռուսական հարվածներից վնասված Ուկրաինայի ենթակառուցվածքների վերականգնումը կարժենա 411 մլրդ դոլար։ Այս մասին ասված է ՄԱԿ-ի զեկույցում, որը հրապարակվել է մայիսի 16-ին։
«Երկարաժամկետ հեռանկարները կախված են պատերազմի տևողությունից և ուժգնությունից, ինչպես նաև երկրի վերականգնումը ֆինանսավորելու կարողությունից, որը գնահատվում է 411 միլիարդ դոլար»,- ասվում է զեկույցում։
Փաստաթղթում նշվում է, որ չնայած միջազգային կազմակերպությունների ֆինանսական օգնությանը՝ ՄԱԿ-ի գնահատականներով՝ 2023 թվականին Ուկրաինայի տնտեսությունը լճանալու է։
Ըստ ՄԱԿ-ի փորձագետների՝ 2022 թվականին Ուկրաինայի տնտեսությունը կորցրել է իր արդյունաբերական հզորությունների և էներգետիկ ենթակառուցվածքների մեծ մասը և կրճատվել 29,1%-ով։
Ավելի վաղ հաղորդվել էր, որ Ուկրաինայում ստեղծվել է ենթակառուցվածքների վերականգնման պետական գործակալություն։
Տաթև Ֆռանգյան
