27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Պետքարտուղարությունը զգուշացրել է Վրաստանին ՌԴ-ի հետ ավիահաղորդակցության վերականգման համար հնարավոր միջոցներ կիրառելու մասին
Քաղաքականություն
17.05.2023 | 11:55
ԱՄՆ Պետդեպարտամենտը զգուշացրել է Վրաստանին Ռուսաստանի հետ թռիչքների վերականգնման համար հնարավոր «լրացուցիչ միջոցների» մասին։ Համապատասխան հայտարարությամբ հանդես է եկել ԱՄՆ պետքարտուղարության մամուլի քարտուղարի տեղակալ Վեդանտ Պատելը։
«Եթե Ռուսաստանի և Վրաստանի միջև ուղիղ չվերթեր լինեն, դա էլ ավելի շատ անհանգստություն կառաջացնի ոչ միայն ԱՄՆ-ի և արևմտյան այլ երկրների, այլ նաև այն ընկերությունների մոտ, որոնք կարող են աշխատել Վրաստանի օդանավակայաններում»,- ասել է Պետդեպարտամենտի ներկայացուցիչը։ «Ողջ արևմտյան հանրությունը հեռացել է Ռուսաստանի Դաշնությունից, և մենք կարծում ենք, որ այժմ Ռուսաստանի հետ համագործակցությունն ամրապնդելու ժամանակը չէ»,- ասել է Պատելը։
Նա հիշեցրել է, որ ԱՄՆ-ը հստակ արտահայտել է իր մտահոգությունն այս կապակցությամբ։
«Մենք շատ հստակ հայտարարել ենք, որ մենք նաև քայլեր ենք ձեռնարկել՝ կանխելու ռուսական օդանավերի մուտքը մեր օդային տարածք, ինչպես արել են արևմտյան շատ երկրներ: Հետևաբար, մենք կշարունակենք ուշադիր հետևել իրավիճակին», – ասել է Պատելը ՝ հավելելով, որ անհրաժեշտության դեպքում լրացուցիչ միջոցներ կձեռնարկվեն։
