08.10.2026 | 10:15
Ռոնալդուն արձագանքել է Մեսիի հրաժեշտի խաղին. ԼՈՒՍԱՆԿԱՐ
G7-ը միասնական դիրքորոշում կարտահայտի Չինաստանի նկատմամբ. VOA
Քաղաքականություն
17.05.2023 | 11:45
Այս շաբաթ G7-ի գագաթնաժողովը, որին մասնակցում է նաև ԱՄՆ նախագահ Ջո Բայդենը, ցույց կտա, որ առաջնորդները միավորված են Չինաստանի նկատմամբ ընդհանուր արժեքային մոտեցմամբ՝ միաժամանակ հասկանալով, որ յուրաքանչյուր երկիր ինքնուրույն կկառավարի իր հարաբերությունները Պեկինի հետ, գրում է VOA-ն: Ըստ աղբյուրի՝ այս մասին հայտարարել է ԱՄՆ վարչակազմի բարձրաստիճան պաշտոնյան։ Բայդենի այցը Ճապոնիա ցույց կտա, որ Վաշինգտոնը կարող է աջակցել Ուկրաինային՝ միաժամանակ պահպանելով աննախադեպ մակարդակի ներգրավվածություն Հնդկա-խաղաղօվկիանոսյան տարածաշրջանի հետ, Reuters-ին հայտնել է պաշտոնյան՝ անանունության պայմանով:
Հարցին, թե աշխարհի յոթ ամենահարուստ երկրների՝ Մեծ Բրիտանիայի, Կանադայի, Ֆրանսիայի, Գերմանիայի, Իտալիայի, Ճապոնիայի և Միացյալ Նահանգների առաջնորդները կարո՞ղ են արդյոք միասնություն դրսևորել աշխարհի երկրորդ խոշորագույն տնտեսության՝ Չինաստանի նկատմամբ, պաշտոնյան ասել է.
«Չնայած G7-ը խումբ է ՝ հիմնված կոնսենսուսի վրա, հյուրընկալողը մեծ դեր է խաղում օրակարգի ձևավորման գործում, և Ճապոնիան շատ մտահոգված է տնտեսական անվտանգության հարցերով, այդ թվում՝ Չինաստանի հետ կապված»։ Կարծում եմ, կարելի է ակնկալել, որ G7-ի առաջնորդները հստակ հասկացնել կտան, որ մեզ միավորում է ընդհանուր արժեքների վրա հիմնված ընդհանուր մոտեցումը։ Միևնույն ժամանակ, G7-ի յուրաքանչյուր երկիր ինքնուրույն կկառավարի իր հարաբերությունները Չինաստանի հետ, բայց մեզ միավորում են այն սկզբունքները, որոնք առաջնորդում են մեր հարաբերությունները»,- հավելել է նա։
