23.11.2024 | 12:12
Վերադարձի՛ր շարք․ ՊՆ սոցիալական հոլովակը
«Ինտեր»-ը դուրս եկավ Չեմպիոնների լիգայի եզրափակիչ
17.05.2023 | 09:46
Ֆուտբոլի Չեմպիոնների լիգայի կիսաեզրափակիչ պատասխան խաղում «Ինտեր»-ը սեփական հարկի տակ ընդունել էր «Միլան»-ին:
«Արմենպրես»-ի հաղորդմամբ` առաջին կեսում «Ինտեր»-ն առավել շատ էր տիրում նախաձեռնությանը և «Միլան»-ի մեկ գրոհին, պատասխանում էր 2-3-ով: Սակայն գրոհներն իրենց ցանկալի արդյունքը չէին տալիս: Հայաստանի ֆուտբոլի ազգային թիմի նախկին ավագ Հենրիխ Մխիթարյանը «Ինտեր»-ի մեկնարկային կազմում էր, սակայն առաջին կեսի վերջնամասում փոխարինվեց վնասվածքի պատճառով:
Երկրորդ կեսի մեկնարկում «Միլան»-ն ամեն կերպ փորձում էր հետ բերել կորցրածը, սակայն «Ինտեր»-ը հստակ էր գործում պաշտպանությունում և երբեմն հակագրոհում էր: Եվ նման մի գրոհի ժամանակ` 75-րդ րոպեին, Լաուտարո Մարտինեսը դիպուկ հարվածով գրավեց «Միլան»-ի դարպասը:
«Ինտեր»-«Միլան»`1:0:
Երկու խաղերի ընդհանուր 3:0 հաշվով հաղթելով` «Ինտեր»-ը դուրս եկավ Չեմպիոնների լիգայի եզրափակիչ:
Ֆուտբոլի Չեմպիոնների լիգայի կիսաեզրափակիչ մյուս խաղում կմրցեն «Մանչեսթեր Սիթի»-ն և «Ռեալ»-ը: Թիմերի առաջին հանդիպումն ավարտվել էր 1:1 հաշվով:
Չեմպիոնների լիգայի եզրափակիչը կկայանա հունիսի 10-ին:
