13.01.2025 | 20:47
Սիրիայի նոր իշխանությունները թույլատրել են արտասահմանյան ապրանքներ ներմուծել
Բերեզովսկի. Մխիթարյանը Հայաստանի ամենաճանաչված մարդկանցից է. հուսով եմ՝ Ինտերը դուրս կգա եզրափակիչ
16.05.2023 | 18:25
Հայաստանի հավաքականի դարպասապահների մարզիչ Ռոման Բերեզովսկին մաղթել է, որ «Ինտերի» կիսապաշտպան Հենրիխ Մխիթարյանը դուրս կգա Չեմպիոնների լիգայի եզրափակիչ. գրում է armsport-ը։
«Ես շատ ուրախացա Չեմպիոնների լիգայի կիսաեզրափակչում Մխիթարյանի գոլի և «Ինտերի» հաղթանակի համար: Նրանք մեծ քայլ են կատարել՝ Չեմպիոնների լիգայի եզրափակիչ դուրս գալու ճանապարհին։ Խաղից հետո շնորհավորել եմ Հենրիխին։ Հաճելի օր էր բոլորիս համար:
Մենք մի փոքր տարբեր սերունդներից ենք, բայց, հավանաբար, կարելի է ասել, որ կյանքի ընկերներ ենք։ Մենք հիանալի հարաբերություններ ունենք։ Խաղացել ենք միասին և համակրում ենք միմյանց: Հենրիխն, անկասկած, այժմ Հայաստանի ամենասիրված մարդկանցից է։ Նման հաջողությունն աննկատ չի մնում։
Հավատո՞ւմ եմ, որ նա կարող է հաղթել Չեմպիոնների լիգայում. «Սիթին», իհարկե, ուժեղ է։ Այո, նրանք «Ռեալի» հետ առաջին խաղում ոչ-ոքի խաղացին, բայց կարծում եմ, որ նրանք դեռ դուրս կգան եզրափակիչ։ Ես իսկապես հույս ունեմ, որ «Ինտերը» նույնպես այնտեղ կլինի։ Գիտեք, եզրափակիչ հանդիպումներն անկանխատեսելի են։ Ընդամենը մեկ խաղ. ամեն ինչ կարող է պատահել: Ես, իհարկե, երկրպագելու եմ «Ինտերին», բայց հասկանում եմ, որ նրանց համար շատ, շատ դժվար է լինելու։ «Սիթին» նախկինում ուժեղ, լավ խաղ ցուցադրող թիմ էր, իսկ Հոլանդի գալով նրանց խաղը դարձել է էլ ավելի բազմակողմանի և հզոր»,- ասել է Բերեզովսկին «Чемпионат»-ին տված հարցազրույցում:
