14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Աֆրիկյան առաջնորդների առաքելություն կմեկնի Մոսկվա և Կիև՝ խաղաղության ծրագիրը քննարկելու
Քաղաքականություն
16.05.2023 | 17:53
Հարավաֆրիկյան Հանրապետության նախագահ Սիրիլ Ռամաֆոսան հայտարարել է, որ Ռուսաստանի և Ուկրաինայի նախագահներ Վլադիմիր Պուտինն ու Վլադիմիր Զելենսկին պայմանավորվել են հյուրընկալել աֆրիկյան առաջնորդների առաքելությունը՝ քննարկելու ռուս-ուկրաինական հակամարտությունը կարգավորելու հնարավոր խաղաղության ծրագիրը: Նման որոշում է կայացվել Ռամաֆոսայի՝ Ուկրաինայի և ՌԴ-ի նախագահների հետ հեռախոսազրույցների արդյունքում, գրում է Meduza-ն՝ վկայակոչելով Reuters-ին։
«Իմ բանակցությունները երկու առաջնորդների հետ ցույց են տվել, որ երկուսն էլ պատրաստ են ընդունել աֆրիկացի առաջնորդներին և քննարկել, թե ինչպես վերջ տալ այս հակամարտությանը։ Սա կհաջողվի՞, թե՞ ոչ, կախված կլինի այն քննարկումներից, որոնք կանցկացվեն»,- ասել է ՀԱՀ նախագահը։
Նա նշել է, որ խաղաղության ծրագրին աջակցել են Սենեգալի, Ուգանդայի և Եգիպտոսի առաջնորդները։
Նախաձեռնության մասին նաև տեղեկացվել է ՄԱԿ-ի գլխավոր քարտուղարը, ԱՄՆ-ի ու Բրիտանիայի իշխանությունները։ Ռամաֆոսայի խոսքով՝ նրանք զգուշավոր աջակցություն են հայտնել ծրագրին։
Մոսկվան ու Կիևը դեռևս որևէ կերպ չեն մենկաբանել այս հայտարարությունները։
Էմմա Չոբանյան
