07.10.2026 | 23:48
Արթուր Դանիելյանը կալանավորվեց
ԵՏՄ-ն մինչև այս տարեվերջ ազատ առևտրի գոտի կստեղծի Իրանի հետ
Քաղաքականություն
16.05.2023 | 18:08
Եվրասիական տնտեսական միությունը (ԵՏՄ) հավանաբար մինչև 2023 թվականի վերջը ազատ առևտրի գոտի կստեղծի Իրանի հետ։ Tasnim-ի փոխանցմամբ՝ ԵՏՄ առևտրի հարցերով նախարար Անդրեյ Սլեպնևը հայտարարել է մինչև ընթացիկ տարվա վերջ միության և Իրանի միջև ազատ առևտրի գոտու ստեղծման հնարավորության մասին։
«Մենք ավարտել ենք Իրանի հետ համաձայնագրի բոլոր դրույթների առարկայական քննարկումը: Փաստաթուղթը ճշգրտելու ուղղությամբ նուրբ աշխատանք է տարվում, հուսով ենք, որ այս ամսվա ընթացքում կավարտենք այն: Նախատեսում ենք արդյունքների մասին վարչապետներին զեկուցել հաջորդ ամսվա սկզբին Սոչիում (Անկախ Պետությունների Համագործակցության և Եվրասիական տնտեսական միության երկրների վարչապետների գագաթնաժողովի ժամանակ)։ Կարծում եմ՝ մեծ է հավանականությունը, որ մենք այս տարի Իրանի հետ կստորագրենք համաձայնագիրը»,- Սլեպնևի խոսքերն է մեջբերում Tasnim-ը։
Իրանի և ԵՏՄ-ի միջև արտահանման արտոնյալ մաքսատուրքերի մասին համաձայնագրի նախագիծը ստորագրվել է 2017 թվականի հուլիսին: 2018 թվականին ժամանակավոր համաձայնագիր է կնքվել Եվրասիական տնտեսական միության հետ Իրանի մասնակցության վերաբերյալ, իսկ Իրանի և ԵՏՄ-ի միջև լիարժեք համաձայնագրի կնքման շուրջ բանակցությունները շարունակվում են։
Տաթև Ֆռանգյան
