07.10.2026 | 23:48
Արթուր Դանիելյանը կալանավորվեց
Georgian Airways-ն ուղիղ կանոնավոր չվերթներ է սկսում դեպի Մոսկվա
Քաղաքականություն
16.05.2023 | 17:25
Georgian Airways-ը կանոնավոր չվերթներ է սկսում Թբիլիսի-Մոսկվա-Թբիլիսի երթուղով: Տեղեկությունը, ըստ Գրուզիա օնլայնի, տարածել է Վրաստանի Քաղաքացիական ավիացիայի գործակալությունը։
Աղբյուրի փոխանցմամբ՝ ավիաընկերության կողմից Քաղավիացիայի գործակալություն ներկայացված թռիչքային հայտի համաձայն՝ մայիսի 20-ից թռիչքներ կիրականացվեն շաբաթական յոթ անգամ։
Վրաստանի Քաղաքացիական ավիացիայի գործակալությունն այսօր ավիաընկերությանը տրամադրել է անհրաժեշտ թույլտվությունը։
Հիշեցնենք, որ մայիսի 10-ին ՌԴ նախագահ Վլադիմիր Պուտինը հրամանագրով 2023 թվականի մայիսի 15-ից չեղարկել էր նաև Վրաստանի քաղաքացիների համար վիզային ռեժիմը, բացառությամբ այն անձանց, ովքեր Ռուսաստանի Դաշնություն են մտել աշխատանքային գործունեության նպատակով։
Տաթև Ֆռանգյան
