07.10.2026 | 23:48
Արթուր Դանիելյանը կալանավորվեց
Ուկրաինայի ԶՈւ-ն արդեն երրորդ օրն է` հակագրոհ է իրականացնում Բախմուտի ուղղությամբ
Քաղաքականություն
16.05.2023 | 16:45
Ուկրաինայի ԶՈւ ցամաքային զորքերի հրամանատար Ալեքսանդր Սիրսկին Telegram-ի իր ալիքում հայտնել է, որ ուկրաինացի զինվորականները Դոնեցկի շրջանի Բախմուտի մոտ վերջին երեք օրվա ընթացքում հակահարձակում են իրականացնում, փոխանցում է DW-ի ռուսական ծառայությունը։
««Վագներականները» մտել են Բախմուտ՝ ինչպես առնետները թակարդին են մոտենում։ Օգտվելով ակտիվ պաշտպանության սկզբունքից՝ Բախմուտի մոտ որոշ ուղղություններով դիմում ենք հակահարձակողական գործողությունների։ Թշնամին ավելի շատ ռեսուրսներ ունի, բայց մենք ոչնչացնում ենք նրա ծրագրերը»,- ասել է Սիրսկին։
Նա այցելել է Ուկրաինայի զինված ուժերի առաջավոր դիրքեր Բախմուտի ուղղությամբ։
«Զորամասերի և ստորաբաժանումների հրամանատարների հետ քննարկել և անհրաժեշտ որոշումներ ենք կայացրել պաշտպանական գործողությունը շարունակելու համար, հաշվարկել ենք իրադարձությունների զարգացման բոլոր հնարավոր սցենարները»,- նշել է ուկրաինացի հրամանատարը։
Տաթև Ֆռանգյան
