Քաղաքականություն
16.05.2023 | 13:19
ԵՄ արտաքին հարաբերությունների և անվտանգության քաղաքականության բարձր ներկայացուցիչ Ժոզեպ Բորելն անդրադարձել է Ադրբեջանի ԱԳ նախարար Ջեյհուն Բայրամովի հետ հանդիպմանը։
«Կարծիքների լավ փոխանակում Ադրբեջանի ԱԳ նախարար Ջեյհուն Բայրամովի հետ։ Ողջունեցի եռակողմ հանդիպումների վերսկսումը Եվրոպական խորհրդի նախագահ Շառլ Միշելի կողմից։ Քննարկել ենք դրանց արդյունքներն ու հեռագա քայլերը և կարծիքներ փոխանակել ԵՄ-Ադրբեջան հարաբերությունների վերաբերյալ։ ԵՄ-ն շարունակում է ներգրավված մնալ Հարավային Կովկասում կայուն խաղաղության ու անվտանգության ապահովման գործում»,- գրել է Բորելը Թվիթերում։
Հավելենք, որ Բորելի հանդիպումը Բայրամովի հետ տեղի է ունեցել նախօրեին Բրյուսելում։
Էմմա Չոբանյան
