18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Ադրբեջանում երկու անձ է կալանավորվել Հայաստանի հատուկ ծառայությունների օգտին աշխատելու մեղադրանքով
Քաղաքականություն
16.05.2023 | 11:55
Ադրբեջանի պետական անվտանգության ծառայությունը հայտարարել է երկրի երկու քաղաքացիների կալանավորման մասին, որոնք «կասկածվում են Հայաստանի հատուկ ծառայությունների համար աշխատելու մեջ»։
Մասնավորապես, նշվում է, որ հատուկ գործողությունների արդյունքում ձերբակալվել է 1980 թվականին ծնված Ռաշադ Ահմեդովը, որը կասկածվում է «պետական դավաճանության, Ադրբեջանի դեմ ահաբեկչական դիվերսիա իրականացնելու մեջ»։ Ահմեդովն ապրել է երրորդ երկրի տարածքում, ըստ մեղադրանքի, «կատարել Հայաստանի հատուկ ծառայությունների առաջադրանքները»։
Հաղորդագրության մեջ ասվում է, որ «Ահմեդովը ներգրավել է 1991 թվականին ծնված Ռովշան Ամիրովին և մի շարք այլ անձանց Հայաստանի հատուկ ծառայությունների առաջադրանքները կատարելու համար որոնք պատրաստել են տեսանյութեր Ադրբեջանի տարածքային ամբողջականության դեմ» ու տարածել Youtube-ի ալիքների միջոցով և այլ սոցցանցերում։ Նշվում է նաև, որ Ահմեդովը կատարել է այլ գործողություններ ևս՝ պայթյուններով, հրդեհներով և սոցիալապես վտանգավոր այլ հետևանքներով ուղեկցվող գործողություններ պլանավորել։
Ահմեդովի ու Ամիրովի նկատմամբ խափանման միջոց է ընտրվել կալանավորումը։ Ահմեդովը մեղադրվում է պետական դավաճանության, ահաբեկչության կազմակերպման, օտարերկրյա կազմակերպությունների հրահանգով պետության դեմ կոչեր անելու, իսկ Ամիրովը՝ պետական դավաճանության և օտարերկրյա կազմակերպությունների հրահանգով պետության դեմ կոչերի մեջ։
Էմմա Չոբանյան
