07.10.2026 | 23:48
Արթուր Դանիելյանը կալանավորվեց
Ռուսաստանում ԱՄՆ դեսպանատան նախկին աշխատակից է ձերբակալվել
Քաղաքականություն
16.05.2023 | 11:02
ԱԴԾ-ն Ռուսաստանում ԱՄՆ դեսպանատան նախկին աշխատակից Ռոբերտ Շոնովին մեղադրանք է առաջադրել «օտարերկրյա պետության հետ գաղտնի համագործակցության համար»։ Ռուսաստանի Դաշնության Քրեական օրենսգրքի 275.1 հոդվածով նախատեսված հանցագործությունը պատժվում է ազատազրկմամբ առավելագույնը 8 տարի ժամկետով։ Շոնովը ձերբակալվել է Վլադիվոստոկում, հայտնում է DW-ի ռուսական ծառայությունը։
Կասկածյալին տեղափոխել են Մոսկվայի Լեֆորտովո քննչական մեկուսարան, քննիչները միջնորդել են երեք ամսով կալանավորել նրան։ Ըստ ամենայնի, Ռոբերտ Շոնովի գործը կապված է Սանկտ Պետերբուրգից նկարիչ Դանիիլ Կրինարիի գործի հետ, որը կասկածվում է Ուկրաինայի հետ համագործակցելու մեջ։
Mediazona-ի փոխանցմամբ՝ նրանց քրեական գործի համարները տարբերվում են մեկ նիշով, նրանք մեղադրվում են նույն հոդվածով, միաժամանակ են ստացվել նաև քննչական մեկուսարանում կեցության ժամկետը երկարացնելու միջնորդությունները։
275.1 հոդվածը գործում է 2022 թվականի հուլիսից: Այս հոդվածով առաջին մեղադրյալը «Համառուսաստանյան սոցիալական միասնություն» ձախ հայրենասիրական հասարակական կազմակերպության ղեկավար Պավել Պիշուլինն էր։
