04.11.2024 | 22:14
Ադրբեջանը 4,7 մլն դոլար է վճարել լոբբիստներին՝ COP29-ից առաջ իր «ավտորիտար իմիջը մաքրելու» համար․ Democracy for Sale
Պակիստանում բողոքի ցույցեր են
Քաղաքականություն
15.05.2023 | 20:14
Պակիստանի մայրաքաղաք Իսլամաբադում բողոքի ցույց է տեղի ունեցել նախկին վարչապետ Իմրան Խանի ազատ արձակման դեմ, որի կալանավորումը նույնպես անկարգությունների պատճառ էր դարձել։ Այս անգամ բողոքի ակցիաները նախաձեռնել է իշխող կոալիցիան՝ իշխանություններին չի բավարարել Պակիստանի ընդդիմության առաջնորդին գրավի դիմաց ազատ արձակելու Գերագույն դատարանի որոշումը, գրում է DW-ի ռուսական ծառայությունը։
Իշխող կոալիցիայի շուրջ 7000 կողմնակիցներ ներխուժել են Իսլամաբադում շրջափակված կառավարական շրջան, որտեղ գտնվում է Գերագույն դատարանի շենքը, սակայն իրավիճակը այժմ «վերահսկվում է», հաղորդում է dpa գործակալությունը։
Պակիստանի կառավարության բողոքի ակցիաների կոչը դիտորդները ընկալում են որպես վարչապետ Շեհբազ Շարիֆի գլխավորած կոալիցիայի փորձ՝ ուժ ցույց տալու Իմրան Խանի կողմնակիցներին: Պակիստանի ընդդիմության և կառավարության միջև հակամարտությունն արդեն ձգվում է մի քանի ամիս։ Մայիսի 9-ին Խանի ձերբակալությունից հետո երկրում անկարգություններ են սկսվել, որոնց ընթացքում սպանվել է առնվազն ութ մարդ, շուրջ 2000-ը ձերբակալվել է։
Իմրան Խանը վարչապետի պաշտոնից հեռացավ 2022 թվականի ապրիլին այն բանից հետո, երբ նրան անվստահություն հայտնեցին։ Այդ ժամանակից ի վեր Պակիստանի իշխանությունները նրա դեմ մոտ 100 մեղադրանք են ներկայացրել, այդ թվում՝ կոռուպցիայի, ահաբեկչության և փողերի լվացման համար։
Ընդդիմության կողմնակիցները կարծում են, որ հետապնդումը քաղաքական դրդապատճառներ ունի:
