29.04.2024 | 09:30
Բերքաբեր բնակավայրից 1540 մ հյուսիս-արևելք տեղի է ունեցել պայթեցման աշխատանք․ ՊՆ
Բայրամովը Չավուշօղլուին ներկայացրել է բրյուսելյան հանդիպման արդյունքները
Քաղաքականություն
15.05.2023 | 18:27
Ջեյհուն Բայրամովը հեռախոսազրույց է ունեցել Թուրքիայի ԱԳ նախարար Մևլութ Չավուշօղլուի հետ։ Ադրբեջանի ԱԳՆ հաղորդագրության համաձայն Բայրամովը Չավուշօղլուին ներկայացրել է Հարավային Կովկասում տեղի ունեցող գործընթացները և Բաքվի և Երևանի միջև խաղաղ բանակցությունների վերջին արդյունքները։ Խոսքն այս դեպքում Բրյուսելում նախօրեին տեղի ունեցած Փաշինյան-Ալիև-Միշել եռակողմ բանակցությունների մասին է։
Բայրամովն ու Չավուշօղլուն քննարկել են նաև մայիսի 14-ին Թուրքիայում կայացած նախագահական և խորհրդարանական ընտրությունները։ Բայրամովը շնորհավորել է «իշխող ուժին նախագահական ու խորհրդարանական ընտրություններում առաջատարության համար»։ Հավելենք, որ այսօր ավելի վաղ էլ Ադրեջանի նախագահ Իլհամ Ալիևն էր զանգահարել Թուրքիայի նախագահ Ռեջեփ Թայիփ Էրդողանին։
