14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Սոթքի ուղղությամբ ադրբեջանական ագրեսիայից հետո Զաքիր Հասանովը ԶՈՒ-ի խորհրդակցություն է հրավիրել
Քաղաքականություն
15.05.2023 | 19:13
Ադրբեջանի պաշտպանության նախարար Զաքիր Հասանովի գլխավորությամբ տեղի է ունեցել ծառայողական խորհրդակցություն։ Ադրբեջանի ՊՆ հաղորդմամբ՝ հանդիպմանը մասնակցել են փոխնախարարներ, զորահրամանատարներ, գերատեսչության գլխավոր վարչությունների ղեկավարներ։
Խորհրդակցության ժամանակ վերլուծվել է հայ-ադրբեջանական սահմանին, ինչպես նաևԼՂ-ում տիրող օպերատիվ իրավիճակը, քննարկվել է օրերս Սոթքի ուղղությամբ ադրբեջանական զինված ուժերի հերթական ագրեսիան Հայաստանի դեմ։
Հասանովը համապատասխան պաշտոնյաներին հանձնարարել է շարունակել «կոշտ արձագանքման միջոցներ ձեռնարկել հնարավոր զինված միջադեպերին»։ Հասանովը կարևորել է ցամաքային զորքերի, ռազմաօդային ուժերի, հրթիռային և հրետանային զորքերի, հատուկ նշանակության ուժերի և այլ զորամասերի օպերատիվ պլանների հստակեցումը, ինչպես նաև՝ ինտենսիվ վարժանքների և զորքերի պատրաստման որակի հետագա բարելավումը։
Հիշեցնենք, որ մայիսի 11-12-ը Ադրբեջանի զինված ուժերը հերթական ագրեսիան էին ձեռնարկել ՀՀ նկատմամբ Սոթքի ուղղությամբ, սակայն Հայաստանի ԶՈՒ-ն պատասխան գործողություններ էր ձեռնարկել։
Էմմա Չոբանյան
