24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Վրաստանը մի քանի ռուսական ավիաընկերություններից դիմումներ է ստացել թռիչքներ իրականացնելու համար
Քաղաքականություն
15.05.2023 | 20:44
Վրաստանի քաղաքացիական ավիացիայի գործակալությունը երկուշաբթի օրը հայտարարել է, որ ռուսական մի քանի ավիաընկերություններից հայտեր է ստացել երկու երկրների միջև կանոնավոր չվերթներ իրականացնելու համար, փոխանցում է Ինտերֆաքսը։
«Յուրաքանչյուր դիմումի համար որոշում կկայացվի ավիաընկերությունների կամ նրանց օդանավերի ներկայիս կարգավիճակի մանրամասն ուսումնասիրությունից հետո՝ կապված սահմանված միջազգային պատժամիջոցների հետ։ Վրաստանը հաստատակամորեն հավատարիմ է այն դիրքորոշմանը, որ Վրաստանի և Ռուսաստանի Դաշնության միջև թռիչքները կիրականացվեն միայն այն ավիաընկերությունների և ինքնաթիռների կողմից, որոնք պատժամիջոցների չեն ենթարկվում»,-ասվում է հաղորդագրության մեջ։
Նրանք հավելել են, որ Քաղաքացիական ավիացիայի գործակալությունը խորհրդակցում և ուսումնասիրում է այն երկրների օրինակները, որոնք հետևում են պատժամիջոցներին և միևնույն ժամանակ ուղիղ օդային կապ ունեն Ռուսաստանի հետ։
Մայիսի 10-ին ՌԴ նախագահ Վլադիմիր Պուտինն իր հրամանագրով չեղարկել էր 2023 թվականի մայիսի 15-ից Վրաստանի քաղաքացիների համար վիզային ռեժիմը, բացառությամբ այն անձանց, ովքեր Ռուսաստանի Դաշնություն են մտել աշխատանքային գործունեության նպատակով։
