14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Գազայի և Իսրայելի միջև զինադադարը հիմնականում պահպանվում է
Քաղաքականություն
15.05.2023 | 17:41
«Իսլամական ջիհադը» կիրակի երեկոյան հրթիռ է արձակել Իսրայելի ուղղությամբ, որն ընկել է բաց տարածքում։ Պաղեստինյան խմբավորումը հայտարարել է, որ դա «տեխնիկական սխալ է» և վստահեցրել, որ իրենք պահպանում են հրադադարը։ Իսրայելական բանակը պատասխանել է Գազայի հատվածի հյուսիսում գտնվող ՀԱՄԱՍ-ի երկու ռազմական հենակետերի հրետանային գնդակոծմամբ, գրում է Euronews-ը։
Էսկալացիայի հինգ օրվա ընթացքում զոհվել է 35 մարդ, այդ թվում՝ մեկ իսրայելցի։ Պաղեստինյան կողմից մահացածների թվում կան բազմաթիվ խաղաղ բնակիչներ, այդ թվում՝ երեխաներ։
Իսրայելը պնդում է, որ հարվածի թիրախ դարձած բոլոր շենքերը օգտագործվել են «Իսլամական ջիհադի» կողմից որպես հրամանատարական կենտրոններ։ Իրավապաշտպանները պնդում են, որ հինգ օրվա առճակատման ընթացքում ավերվել է 60 բնակելի շենք, շուրջ 400 մարդ մնացել է անօթևան։
Հրադադարի համաձայնագրի ուժի մեջ մտնելուց հետո Իսրայելը վերաբացել է պաղեստինյան անկլավի հետ անցակետերը։ Վառելիքի բեռնատարները կիրակի օրը Քերեմ Շալոմով մտել են Գազա՝ վառելիք հասցնելով քաղաքի էլեկտրակայաններ:
