14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Իսրայելի արտգործնախարարը 20 տարվա մեջ առաջին անգամ այցելել է Շվեդիա
Քաղաքականություն
15.05.2023 | 14:36
Իսրայելի արտգործնախարար Էլի Քոհենը ժամանել է Շվեդիա։ Այս մասին նա հայտնել է երկուշաբթի օրը Twitter-ի իր էջում՝ նշելով, որ սա հրեական պետության արտաքին դիվանագիտական գերատեսչության ղեկավարի առաջին այցն է Սկանդինավյան թագավորություն վերջին 20 տարվա ընթացքում, փոխանցում է ՏԱՍՍ-ը։
«Իսրայելի հարաբերությունների ամրապնդում Շվեդիայի հետ․մեկնարկում է ԱԳ նախարարի առաջին այցը Շվեդիա վերջին 20 տարում, հարաբերությունների ջերմացման շրջանակներում ես կհանդիպեմ իմ ընկերների՝ Շվեդիայի արտաքին գործերի նախարար Թոբիաս Բիլստրյոմի և այլ պաշտոնյաների հետ»,- գրել է Քոհենը:
Իսրայելի և Շվեդիայի արտգործնախարարները վերջին անգամ հանդիպել են հունվարի 18-ին Դավոսում Համաշխարհային տնտեսական ֆորումի շրջանակներում։ Այնուհետև իսրայելցի նախարարն իր շվեդ գործընկերոջը հրավիրել է այցելել Իսրայել։
