14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Քըլըչդարօղլուն հայտարարել է, որ երկրորդ փուլում հաղթանակը լինելու է ընդդիմությանը
Քաղաքականություն
15.05.2023 | 12:21
Թուրքիայի ընդդիմադիր Ազգային դաշինքի նախագահի թեկնածու Քեմալ Քըլըչդարօղլուն նախօրեին հանդիպել է ընդդիմադիր դաշինքում ներառված կուսակցությունների առաջնորդների հետ, գրում են տեղական լրատվամիջոցները։
«Ուրախալի է, որ մասնակցության ցուցանիշը մոտենում է 90 տոկոսին, և որ գործընթացը պահպանվում է ժողովրդավարական հունի մեջ։ Չնայած իր բոլոր զրպարտություններին ու վիրավորանքներին՝ Էրդողանը չստացավ այն արդյունքը, ինչ սպասում էր։ Ոչ ոք չպետք է ոգևորվի տեղի ունեցածով»,-ասել է Քըլըչդարօղլուն՝ պնդելով, որ երկրորդ փուլում հաղթանակը ընդդիմությանն է լինելու։
«Այս ընտրություններում մենք անպայման հաղթելու ենք երկրորդ փուլում։ Բոլորը դա կտեսնեն։ Նախնական արդյունքները ցույց տվեցին, որ Էրդողանը չի ստացել սպասված արդյունքը»,-ասել է ընդդիմության թեկնածուն։ Նա հայտարարել է, որ առաջիկա 15 օրերի ընթացքում բոլոր ջանքերը գործադրելու են «երկրին բերելու իրավունք, օրենք ու արդարություն»։
«Մեր ժողովուրդը վստահ թող լինի, մենք անպայման հաղթելու ենք ու ժողովրդավարություն ենք բերելու այս երկիր»,-ասել է Քըլըչդարօղլուն։
Հավելենք, որ նախնական տվյալներով մայիսի 28-ին Թուրքիայում տեղի կունենա նախագահական ընտրությունների երկրորդ փուլ, քանի որ թեկնածուներից որևէ մեկին չի հաջողվել հաղթահարել 50 տոկոսի շեմը։
