14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Մոլդովան մտադիր է դուրս գալ ԱՊՀ միջխորհրդարանական վեհաժողովից
Քաղաքականություն
15.05.2023 | 12:53
Մոլդովան հանդես է եկել ԱՊՀ միջխորհրդարանական վեհաժողովից դուրս գալու նախաձեռնությամբ, հայտարարել է խորհրդարանի խոսնակ, իշխող «Գործողություն և համերաշխություն» կուսակցության առաջնորդ Իգոր Գրոսուն, փոխանցում է ՌԻԱ Նովոստին։
«Որպես խորհրդարանի նախագահ՝ ժողովրդի, կուսակցության ներկայացուցիչների, նախագահի և կառավարության հետ բազմաթիվ զրույցներից հետո հայտնում եմ, որ մենք որոշել ենք դուրս գալ ԱՊՀ ՄԽՎ-ից։ Սա առաջին քայլն է , կառավարության ու խորհրդարանի մակարդակով մենք կձեռնարկենք նաև այլ քայլեր»,- ճեպազրույցում ասել է Գրոսուն։
Նա նշել է, որ Մոլդովան այսօր չունի ընդհանուր սահմաններ ԱՊՀ-ի հետ, ԱՊՀ-ին անդամակցությունը չի օգնել Մոլդովային լուծել հրատապ խնդիրները, ոչ մի կերպ չի ազդել Մերձդնեստրի հակամարտության կարգավորման վրա և չի օգնում տնտեսությանը։
